Навивачите, а некои борци и аналитичари се согласуваат дека Васил Ломаченко направи доволно во 12 рунди против Девин Хејни за да победи на неодамнешниот меч во Лас Вегас.
Да потсетиме, Американецот со едногласна одлука на судиите го совлада украинскиот боксер и ја одбрани титулата апсолутен шампион во лесна категорија.
Хејни со победата ги задржа четирите појаси, додека избраниците на Ломаченко најавија жалба и побараа реванш.
Но, Украинецот не е оптимист за реваншот и истакнува дека не би било проблем да се прифати поразот доколку противникот беше подобар, а на социјалните мрежи сподели клип од разговорот меѓу Хејни и тренерот по деветата рунда.
„Мислам дека никогаш нема да добијам реванш. Треба, но тоа никогаш нема да се случи, бидејќи мислам дека е исплашен. Сигурен сум во тоа, се плаши од мене. Сфаќа дека ја изгубил битката. И татко му разбира што се случи“, рече Васил Ломаченко и додаде:
„Сите видоа што кажа по деветата рунда. Многу луѓе зборуваат за дванаесетата, а можеби и јас не бев толку добар во неа. Но, победив многу рунди порано и само го задржав мојот ритам.
Ломаченко мислеше на моментот за време на паузата кога Хејни му рече на својот татко: „Знае дека одам лево, сега удира лево, го направи тоа повеќе пати“.
Аналитичарот на ЕСПН, Тимоти Бредли, го коментираше моментот уловен од камерата за време на паузата меѓу деветата и десетата рунда.
Хејни му вели на својот татко: „Го знае секој мој потег, знае се што правам“.
„Мислам дека сфати како губеше по деветата рунда. Ломаченко со тој висок боксерски коефициент на интелигенција го прочита, а Хејни бара одговори од неговиот агол“, вели Тимоти Бредли.
https://twitter.com/drew8527/status/1661342670562766848?ref_src=twsrc%5Etfw%7Ctwcamp%5Etweetembed%7Ctwterm%5E1661342670562766848%7Ctwgr%5E18b466836414da8bddc059020edb553d7ecd660f%7Ctwcon%5Es1_&ref_url=https%3A%2F%2Fwww.croring.com%2Fboks%2Flomacenko-sumnja-u-revans-protiv-haneyja-i-podsjeca-svi-su-culi-sto-je-rekao-nakon-9-runde%2F
