Перо Антиќ вечерва одржа кик бокс тренинг кај Иле Ристески

Првиот македонски кошаркар кој заиграл во НБА, Перо Антиќ, ја искористи приликата да скокне во Скопје по мечот  Евро лигата меѓу Црвена ѕвезда и неговиот Фенербахче.

Антиќ вечерва скокна до Кик бокс клубот Горила на нашиот ас Иле Ристески, кој е на него и неговото семејство обезбедување, а утре сабајле заминува за Истанбул.

„Перо е голем љубител на боречките спортови, дојде во нашиот клуб на тренинг и разменивме искуства. Тој ни покажа други методи на тренинг кои ги стекнал во неговата богата кошаркарска кариера“, истакна Иле Ристески.

КБК Горила се подготвува за натпревари во Македонската лига, а потоа и за професионални мечеви во Будва во април идната година,каде што ќе настапат тројца нивни кикбоксери.

ipon.mk/В.Д.