Претстојниот викенд во легендарната Казабланка,Мароко, с еодржува Светското првенство во комбат самбо, на кое што ќе не претставува искусниот битолчанец Ристо Димитров-Чурино.
Претседателот на Македонската самбо федерација, Ердал Факиќ, е доста опетимистички расположен за нашето учество на Светското првенство.
„Пред се, нашата цел е да го промовираме македонското самбо, односно комбат самбо. Покажуваме дека покрај спорт самбо работиме и комбат. Од Ристо очекувам добар успех, бидејќи добро вежба и е добар спортист. Имаше добри подоготвки. Пред извесно време имаш борба на ФФЦ 19 во Линц, Австрија. Се надеваме дека може да освои и прво место, бидејќи добро ги работи рачните и ножните техники, а, пред се, има добар партер“, истакнува Факиќ.
Тој вел дека во моментов Димитров е најподготвен.
Нашата експедиција во Казабланка ќе ја предводи претседателот на Федерацијата, Ердал Факиќ, стручниот советник Славе Тодоров и Ристо Димитров. Во исто време ќе се одржи и Конгрес на Светската самбо федерација, со кое ќе раководи претседателот ФИАС, Васил Шестаков. Освен тоа, на СП ќе биде присутна и светската самбо и ММА ѕвезда Федор Емилијаненко и кралот на Мароко, кој директно ја покани Македонија на СП.
По СП во Мароко на 21 ноември нашите самбо борачи ќе настапат на Меѓународното првенсто во Хрватска во спорт и комбат самбо, а во декември на СП за кадети.
ipon.mk/В.Д.
