По паузата која настана поради Европските игри каратистите на Макпетрол тргнаа во нови предизвици во Карате 1 Премиер лигата овој викенд во Истанбул, Турција. Боите на Макпетрол ќе ги бранат Симона Заборска, Моника Стефановска, Ана Марија Несторовска, Симон Антиќ, Томе Тодоровски, Дејан Павлов.
„Ова е прв турнир во подготвителниот тренажен процес. Премиер лигата во Истанбул ќе биде многу силна, зашто ќе усчетвуваат 533 натпреварувачи од 47, односно и силните репрезентации од Азија и Африка, како Иран и Египет. Сите светски и европски прваци ќе бидат на турнирот, дури 80 отсто. Ние ќе настапиме без психолошки притисок, а, вооедно ќе се концентрираме и на наредните турнири од Лигата во Кобург-Германија и во Салзбург-Австрија“, вели тренерот на Макпетрол, Бошко Заборски.
Тој истакнува дека јуниорскиот погон е поштеден од настап на турнирот во Истанбул затоа што наредниот викенд се одржува Државното првентсво, кое е од изборен карактер за Светското јуниорско првенство во Малезија. Место во репрезентацијата ќе бркаата Петар Заборски, Осман Халити, Емануел Ристевски и Орхан Билали.
ipon.mk/В.Д.
