АктуелноДомашна сценаКик бокс
Бобан Илиоски ќе се бори за светската титула во Скопје на 26 април
Најдобриот македонски кикбоксер Бобан Илиоски на 26 април ќе се бори за професионалната светска титула против светскиот ВАКО првак, Берк Дузенли од Турција.
Борбата ќе се одржи во СЦ „Јане Сандански“ во Скопје.
Ова е за првпат Македонија да биде домаќин на еден ваков кик бокс настан, кој е еден од најголемите настани во регионот.
„Пријатели би сакал да ве известам дека за првпат во историјата на македонскиот кик бокс, на мое огромно задоволство ќе се одржи еден од најголемите настани во регионот. На 26 април во СЦ „Јане Сандански“, во организација на Кик бокс маитаи федерацијата на Македонија и „Арена фајт најтс“ ќе се одржи спектакуларен кик бокс натпревар, каде што ќе се борам за професионална светска титула против светскиот ВАКО-првак Берк Дузенли од Турција. Ве поканувам да бидете дел од овој настан и да ме поддржите мене и останатите македонски борци кои ќе се натпреваруваат“, напиша Илиоски.
