Викендов во Скопје се одржа аикидо семинар по повод јубилејот – 10 години од основањето на Македонската аикидо федерација – Аикикаи Македонија.
Семинарот се одржа под водство на мајсторот Микеле Кваранта, кој е една од водечките фигури во европското аикидо и поради тоа е технички управител на повеќе аикидо организации во неколку европски држави, меѓу кои и на МАФ – АМ.
На семинарот зедоа учество аикидоки од сите клубови членки на федерацијата, но имаше и гости од неколку странски земји: САД, Холандија, Швајцарија, Бугарија и Србија.
Покрај редовната програма на претставување на нови техники, движења и зафати, на последниот од трите тренинга беше направена и мала церемонија за доделување на дипломи за неколку нови македонски мајстори. Беа врачени 4 дипломи за 1 дан и една диплома за 3 дан на Владо Стојановски, Александра Петковска, Ѓоко Митев, Костадин Митев и Дамјан Цингарски.
Ipon.mk/В. Д.
