Жозе Алдо размислува за боксерско деби

Поранешниот долгогодишен шампион во перолесна категорија на УФЦ, Хозе Алдо, можеби заврши со борбите во УФЦ, но не ја отфрли можноста да ја продолжи боксерската кариера.

Алдо се повлече од ММА по неговиот последен пораз со едногласна одлука од Мераб Двалишвили на УФЦ 278. Поразот ја прекина неодамнешната победничка серија и нагло го запре неговото искачување до титулата во бантам категорија.

Алдо (36) изгледаше подмладено во последните борби додека продолжува да се приближува до златото во дивизијата. За жал, поразот од Двалишвили ги измеша плановите на Алдо и го натера да се повлече од ММА.

Многумина се прашуваа што е следно за Алдо и неговата спортска кариера. Тој е отворен за борба во други аспекти на боречките спортови, вклучително и потенцијално преселување во боксерскиот ринг. За време на интервјуто за Глобо Еспорте, Алдо зборуваше за тоа што мисли дека може да биде следниот чекор во неговиот живот и кариера.

„Се обидувам да го видам најдобриот пат што треба да го одам во моментов. Нема да се борам во ММА, тоа е сигурно. Им благодарам на сите што ми се јавија од други промоции, но не сум го напуштил УФЦ, сè уште сум под договор со нив.

Ќе видам каде ќе одам. Боксот е можност. Отсекогаш го имав овој сон во мојот живот. Никогаш не го криев тоа од никого. Боксот отсекогаш бил сон. Но, да видиме. Сите велат дека сум уште млад, дека ми остануваат уште неколку години.

Прво сакам да уживам со семејството, а потоа ќе размислувам за професионалната страна“, изјави Алдо.

Алдо во својата ММА кариера забележа 31 победа и 8 порази. Во 17 од неговите борби победи со нокаут.

ПОВРЗАНИ ВЕСТИ

ПОПУЛАРНО