На шампионот во перо категорија не му недостасува самодоверба, а сега малку внимание посвети и на менталната игра пред самата борба.
Остануваат уште два дена до настанот УФЦ 284 во Перт, Австралија, каде конечно ќе се сретнат Александар Волкановски и Ислам Махачев. Шампионот во перо категорија ќе се обиде да го добие појасот во лесна категорија и статусот двоен првак пред домашната публика, но тоа ќе биде сè само не лесно, бидејќи го чека одличниот Махачев.
Со оглед на тоа што останува многу малку време до самиот настан, не е чудно што тензиите растат од ден на ден, а и двајцата борци разбираат колку е важен тој ментален дел пред ваква тешка борба. Волкановски тврди дека во самата борба ќе се обиде да го заплаши Махачев во кафезот, а откри и како мисли да го направи тоа:
„Дури и да ме фати и успее да ме задржи, ќе бидам среќен. И да ме собори, сепак ќе станам и ќе бидам уште посреќен. Тогаш ќе го прашам во кафезот каде му е сега планот да ме симне и едноставно ме држи во партер. Тогаш ќе видиме како расте неговата паника. Обожавам да ги гледам луѓето кога ќе почнат така да мрдаат. Само ќе се насмеам“, изјави Волкановски за TheMacLife.
За оваа борба многу се зборува во последните неколку месеци, но повеќето се согласуваат дека физичката големина на Ислам во комбинација со вештините што ги поседува ќе биде премногу за Волкановски. Се чини дека шампионот во перо категорија очекува во одреден момент да се најде на партер и се чини дека има подготвен план за излез од таа ситуација.
УФЦ 284 е закажан за ноќта во сабота спрема недела, па веќе почнавме да одбројуваме до оваа голема борба.
