Во период од 20 до 24 јули во Охрид се одржа вториот Интернационален уечи рју Окинава карате до семинар со каратисти од Македонија, Србија, Словенија, Босна, Германија и Америка.
Семинар го водеше Милан Димитриески , кјоши 7.дан, со асистентот Левко Левков, дјун шихан 4.дан. Семинарот беше многу успешен, а уесниците беа задоволни од тренинзите, дружењето и природните убавини на Охрид и Струга.
Како што вели Димитриески учесниците изразиле желба и догодина пак да учествуваат на следниот семинар.
„Тоа беше добра промоција за нашиот балканскиот бисер Охрид. На финалниот дел на семинарот беше одржано мајсторско полагање за кандидат од Босна и Херцеговина, Драгиша Јањиќ, кој успешно положи за мајсторски ранг 4.дан и наскоро ќе добие сертификат од Окинава карате Асоцијација од Јапонија“, вели Димитриески.
Милан најави дека од 1 до 24.септември на островот Окинава ќе претстојува македонско-српска карате екипа на карате специјализација и дан тест кај најголемите светски мајстори на вештината уечи рју.
„Воедно, тоа ќе биде добра прилика за презентација на нашето балканското каратето’, потенцира Димитриески.
