Внукот на Мухамед Али ја забележа петтата победа со нокаут уште во првата рунда (ВИДЕО)
Нико Али Волш, 21-годишниот внук на легендарниот Мухамед Али, со одличен нокаут ја оствари петтата победа во професионалната кариера.
Тој вчера во Лас Вегас уште во првата рунда го нокаутира противникот и стигна до петтата победа.
„Ова е само доказ за работата во која се вложив“, изјави Нико по победата. „Овие работи се случуваат кога ќе го вложите целиот ваш труд. Повторно го оживувам дедо ми, а мајка ми станува многу емотивна бидејќи повторно си го гледа таткото и го слуша неговото име“, додаде тој.
https://twitter.com/trboxing/status/1520592077725175808?ref_src=twsrc%5Etfw%7Ctwcamp%5Etweetembed%7Ctwterm%5E1520592077725175808%7Ctwgr%5E%7Ctwcon%5Es1_&ref_url=https%3A%2F%2Fkajgana.com%2Fpetta-pobeda-na-vnukot-na-mukhamed-ali-so-nokaut-ushte-vo-prvata-runda
Али Волш е американски боксер во средна категорија, до 73 килограми. Досега има 5 победи, ниту еден пораз. Четири од пет победи се со нокаут. Тренира со Шугар Хил Стујарт, тренерот на Тајсон Фјури.
