Претседателот на Џудо федерацијата на Македонија, Владимир Трпаноски, присуствуваше на одбележувањето на јубилејот 70 години на Словенечката џудо федерација.
Прославата беше организирана на највисоко ниво.
На настанот присутвуваа Ласло Тот – претседател на ЕЏУ, претседателот на Европскиот олимписки комитет Спирос Капралос, претседателот на Словенија Борут Пахор и други гости.
„На прославата бев по покана на Словенечката федерација, и ми направија голема чест. Денес продолжувам за Сараево да ги следам борбите на нашите репрезентативци на Европското првенсво во У-23, Еди Шерифосвки и Андреј Чакаровски“, изјави претеседателот Владимир Трпаноски.
Трпаноски истакнува дека домаќините направиле голема чест и на него и на Џудо федерацијата на Македонија.
Претседателот на ЏФМ по свечениот дел имаше средба со претседателот на словенечката федерација, притоа е разговарано за соработка меѓу двете федерации. Од словенчка страна е истакнато дека нашата федерација ќе добие помош од нив во едукација на судии и стручен тренерски кадар.
