Заврши настанот Урал фајтинг чемпионшип 2 кој се одржа во Самара.
Во главната борба рускиот ветеран Вјачеслав Дацик се бореше според кикбокс правилата против Бразилецот Џеронимо дос Сантос. Нивната борба заврши за помалку од една минута. Се чинеше дека на Дацик не му се брза, но во 14. секунда Џеронимо беше соборен.
Црвениот Тарзан слета монструозно право врз него. Судијата му дозволи на Бразилецот да се врати во борбата, иако нокдаунот беше брутален. Дацик продолжи да притиска и го испрати Дос Сантос на земја со лево кроше.
Џеронимо стана, но покажа на десното рамо, кое најверојатно беше повредено. Судијата ја прекина борбата која траеше 57 секунди. Така Дацик победи со технички нокаут.
Вјачеслав се бореше според кикбокс правилата за прв пат од декември 2019 година. Потоа загуби со нокаут од Французинот Жером Ле Банер на гала вечерта во Казан.
