Владимир и Витали Кличко, кои станаа боксерски легенди, уште еднаш покажаа дека се патриоти и дека нивното место во историјата на Украина е зачувано, а делата ќе бидат напишани со златни букви. Двајцата се на борбени позиции за одбрана на главниот град Киев.
Всушност, тие двајца беа гости на свадбата на борците Валери и Лесија, кои се заколнаа на верност еден на друг на линијата на фронтот и станаа семејство Филимонов. А Валери, кој е и градоначалник на Киев, е човекот пред кој мора да се потпишат младенците. Витали Кличко подоцна напиша на социјалните мрежи: „Денеска им честитав на двајца храбри борци од еден од баталјоните што го бранеа Киев. Двајцата живееја на семејна основа долги години, но на 11-тиот ден од војната решија да станат семејство и официјално. Церемонијата се одржа на линијата на фронтот. Животот продолжува. Ќе го браниме Киев, мирниот народ на Киев и нашата земја“.
Среќниот пар дури добил и шише шампањ на подарок, што е вистински луксуз во овие времиња. А невестата го добила својот букет лично од градоначалникот Витали Кличко. Соборците на младенците не сфатиле дека Витали и Владимир се вратиле на настанот од првата линија на одбраната. Претходно, двајцата беа снимени од телевизиска екипа во полна борбена опрема како се упатуваат директно кон куршумите, коментирајќи во еден глас: „Ние сме подготвени да ги дадеме нашите животи за Украина“.
Владимир подоцна додаде: „Не ни е важно колку е силна руската армија, ние сме подготвени за битка до крај. Горд сум што гледам колку е силен патриотскиот дух. Се бориме за нашата татковина, за нашите семејства, за нашата иднина. И тоа е овде во нашата земја и нема да дозволиме некој да ни ја украде“.
