Претседателот на Македонија, Стево Пендаровски, имаше средба со високи претставници на европскиот бокс, вклучувајќи го претседателот на Европската федерација за бокс, д-р Јоанис Филипатос, европскиот комесар, Сима Виорел Родбун, како и раководството на Националната боксерска федерација на Македонија, претседателот Фатон Салиху и потпретседателот Примислав Димовски.
На оваа средба, претставниците на Европската боксерска конфедерација (ЕУБЦ) и претседателот на Националната боксерска федерација (НБФ) ја искажаа посветеноста и поддршка кон боксот во Македонија. Исто така, постигнати се и договори за организација на Балканскиот шампионат во Македонија и едно од европските првенства.
„Оваа средба претставува значаен чекор кон подобрување и продвижување на боксот и спортот во нашата земја. Изразуваме надеж и очекување дека овие средби и посветеноста на претставниците на ЕУБЦ ќе придонесат кон напредок и развој на боксот во Македонија“, велат од НБФ.
