Тајсон Фјури побара да се соочи со Дилиен Вајт што е можно поскоро. Шампионот на ВБЦ во тешка категорија им кажа на Боб Арум и неговиот друг агент Френк Ворен дека мечот треба да се одржи во февруари или најдоцна март. Ова го соопшти 90-годишниот американски менаџер.
Светската боксерска унија го назначи „Крадецот на трупови“ за официјален предизвикувач за појасот. Двајцата Британци имаат рок до првата недела од јануари да постигнат договор за датумот и местото на одржување на средбата. Во спротивно, ќе се одржи аукција.
Според Арум, „Џипси кинг“ веќе ги започнал подготовките и едвај чека да влезе во рингот. Фаворит за домаќин на пресметката е стадионот „Принципатил“ во Кардиф, каде ќе се соберат речиси 70.000 гледачи.
„Фјури го почитува Вајт. Тој е еден од оние боксери во тешка категорија кој е способен да нанесе штета со своите удари. Доколку не го почитува, Тајсон ќе западне во големи проблеми. Сепак, тој е голем професионалец и борец и знае дека не може да биде презир кон човек како Дилиен“, изјави Арум.
Според него, двете страни веќе преговараат и наскоро може да има решение. „Тајсон сака мечот да биде во февруари или март. Кардиф ни е фаворит, но опција е и Манчестер. Сепак, таму ќе биде многу студено во февруари, па попрво се упатуваме кон Кардиф“, вели легендата.
