На 19 септември треба да се одржи мечот меѓу двајцата најдобри светски боксери во лесна категорија.
Нешто помалку од четири месеци по првично планираниот датум за нивниот голем меч, во рингот треба да се сретнат Васил Ломаченко (14-1, 10 КО) и Теофимо Лопез (15-0, 12 КО). Тоа ќе биде меч помеѓу двајцата најдобро рангирани боксери во лесна категорија спрама Боксер, а промоторот Боб Арум вчера објави дека ќе се одржи на 19 септември.
Како што стојат работите сега, овој одличен меч треба да се одржи во Лас Вегас, без присуство на публика. Секако, тоа е штета, но боксерите нема да се луксузираат да чекаат да се врати публиката. Дополнителна причина за ова е фактот што настапуваат во моментално неверојатно возбудливата категорија, во која спаѓаат млади талентирани борци како Гервонта Дејвис, Девин Хани, Рајан Гарсија и Лук Кембел. Ниту еден од овие двајца боксери во 2020 година сè уште не настапи.
Ломаченко во моментов ги има титулите на ВБА Супер и ВБО во категоријата 61,2 килограми, додека Лопез е сопственик на појасот на ИБФ. Победникот на оваа средба ќе ги обедини сите три појаси, во овој случај за позицијата апсолутен шампион ќе му недостасува појасот на ВБЦ, кој е во сопственост на Девин Хани.
За Васил Ломаченко дури и навивачите кои имаат површни сознанија за боксот. Еден од најуспешните аматери и олимпијци во историјата подеднакво успешно продолжи и во професионалниот ринг, а според многу извори тој во моментов е најдобриот боксер во светот на паунд фор паунд ранг листата. Ги воодушевува фановите со неверојатната работа со нозе, со спектакуларно брзите комбинации на удари и импресивна техника.
Но, против 22-годишниот Лопез, Ломаченко не би требало да има предност во брзината. Американскиот боксер, по потекло од Хондурас, досега ги воодушеви сите со својата брзина и во ниту еден меч досега не беше загрозен. Се разбира, досега немаше квалитетен противник како Васил Ломаченко, но и покрај сето тоа, на хартија е најдобриот боксер кој некогаш се соочил со одличниот Украинец.
