Дилиен Вајт одби да се појави на отворен тренинг пред борбата со Тајсон Фјури. Предизвикувачот за светската титула на ВБЦ го продолжува бојкотот на промотивните настани пред мечот меѓу двајцата што ќе се одржи на 23 април пред повеќе од 90 илјади гледачи на стадионот „Вембли“ во Лондон.
„Крадецот на трупови“ рече дека нема да учествува на тренингот денеска, а причината – тоа не е задолжително. На Вајт му се гарантираат 7 милиони долари приход за мечот со шампионот. Доколку ја освои титулата ќе додаде уште 5 милиони, а отворено призна дека не сака да промовира и носи пари на менаџерите на Фјури и да заработуваат на негов грб.
BREAKING! Dillian Whyte will not attend the open media workout ahead of his fight against Tyson Fury ❌ pic.twitter.com/UORQluG06t
— Sky Sports Boxing (@SkySportsBoxing) April 19, 2022
Од друга страна, Тајсон не само што се појави, туку и ги изненади фановите со својот настап. „Кралот на Ромите“ дефинитивно ослабен, но повпечатливо беше што боксираше со обратен гард. Тој направи скоро три рунди на тренинг, во кои водеше неговата десна рака.
„Сите знаеме дека имам сила во двете раце. Можам да победам со десна-десна или лева-десна, не е важно. Подготвив многу изненадувања кои ќе ги видите во рингот во сабота навечер“, прокоментира Фјури на овој потег.
Не беше изненаден од отсуството на Вајт од тренинзите, но сигурно ќе го види на прес-конференцијата во среда.
„Дилиен ќе дојде таму, ќе се соочиме и готово. Не очекувам да се случи нешто несекојдневно. Ова е бокс, ќе се сретнеме во рингот во сабота. Бидете сигурни дека ќе има нокдаун, не знам за нокаут. Но, нема да бидам на подот, тоа е загарантирано“, избувна Тајсон.
🔥 John Fury: "Like Larry Holmes."
👑 @Tyson_Fury popping out a razor sharp jab ahead of his WBC heavyweight world title defence.#FuryWhyte | Saturday | BT Sport Box Office pic.twitter.com/rFJLpVoS1l
— Frank Warren (@FrankWarren) April 19, 2022
