Претседателот на УФЦ, Дaна Вајт, одговори на прашање на корисник на интернет кој го праша за исходот од борбата меѓу Федор Емелијаненко и Брок Леснар.
Дана водеше сериозни преговори со Емелијаненко во 2009 година. Во тоа време Федор беше во серија од 27 последователни победи и беше непоразен 10 години. Од друга страна, Леснар ја држеше титулата на УФЦ во тешка категорија. Федор се согласи да се бори во УФЦ, но потоа се предомисли и сето тоа пропадна.
Вајт до ден-денес жали што не можел да ја организира оваа борба. Дана верува дека Брок би победил во тоа време.
„Очигледно сум премногу пристрасен за да одговорам на ова прашање, но се обложувам на Брок Леснар.
Леснар ја сакаше оваа борба со Федор Емелијаненко. Се обидов да го направам тоа. На Емелијаненко му понудивме безобразна сума пари, но тие не сакаа да се борат“, изјави Вајт во разговор за каналот GQ Sports Youtube.
