Утре во Скопје ќе се одржи Меѓународниот боксерски турнир „Арена куп“ во организација на БК Чаир.
Турнирот ќе се одржи во СЦ „Борис Трајковски“ со почеток во 14 часот, а влезот е слободен.
А првиот човек на БК Чаир Фатон Слиху вели дека се е подготвено за турнирот на кој ќе настапат боксери од Македонија, Косово, Албанија и Бугарија. На програната ќе има околу 20 борби.
Ова е прилика за македонските боксери да ги одмерат силите со конкуренцијата од регионот.
Минатата година „Арена куп“ прв пат се организираше, а боксираа кадети и јуниори.
Планот е „Арена куп“ да се регистрира и во календарот на ЕУБЦ и да биде ИБА трунир за младинци.
