Утре почнува Европското првенство во бокс за сениори кое се одржува во Белград од 18 до 28 април. На ЕП ќе учествуваат 401 боксер, 263 во машка конкуренција и 138 во женска, од 33 држави, а Македнија ќе настапи со четворица репрезентативци.
Боите на Македонија ќе ги бранат Ален Рустемовски (57 кг), Дион Лена (63,5 кг), Алим Насуфи (67 кг) и Арјан Исени (80 кг).
Нашите боксери се подготвуваа во главниот град на Србија, односно во Спортскиот центар „Кошутњак“, каде што тренираа и спарингуваа со репрезентациите на Србија, Хрватска, Црна Гора, Шпанија и други држави.
