Светскиот шампион во тешка категорија на ВБА, ИБФ и ВБО, Александар Усик, ја продолжува психолошката војна со Тајсон Фјури.
Украинецот на социјалните мрежи објави ново видео во кое му се обраќа на непоразениот британски боксер, актуелниот шампион на ВБЦ во тешка категорија.
Belly, you next 🍽️ @Tyson_Fury pic.twitter.com/vDTCR8gzE0
— Alexander Usyk (@usykaa) January 23, 2023
Усик му вели: „Шкембар, види што ќе јадам сега. Ти си следниот“, а на масата има огромен хамбургер и газиран пијалок.
Реакцијата на Усик најверојатно е диктирана од изјавата на таткото на Фјури, Џон, кој пред неколку дена изјави дека Украинецот изгледа како да не јадел со месеци.
Годинава се очекува Џипси Кинг и Усик да се соочат и да го одредат апсолутниот светски шампион во тешка категорија. Големиот судир треба да се случи во март или април.
