Усик откажа да се бори со непоразен боксер
„Не сакам да му ја уништам кариерата“, рече легендата
Непоразениот 39-годишен Украинец Александар Усик, актуелен шампион во тешка категорија на ВБА, ВБЦ, ИБФ и ИБО, ја исклучи можноста за борба со непоразениот 21-годишен Моузес Итаума, интерконтинентален шампион на ВБО и меѓународен шампион во тешка категорија на ВБА.
„Не, не сакам да се борам со Итаум, бидејќи е млад. Не сакам да му ја уништам кариерата“, го цитираше списанието „Ринг“ Усик.
Во последната борба која се одржа на 20 јули на стадионот „Вембли“ во Лондон, Велика Британија, Усик го делеше рингот со Британецот Даниел Дубоа. Александар победи со нокаут во петтата рунда. Тоа беше реванш за боксерите, а во прашање беше неприкосновената светска титула во тешка категорија.
Усик има професионален скор од 24 победи, од кои 15 со прекин, и без пораз. Професионалното деби го имаше во ноември 2013 година.
