Александар Усик откри дека Ентони Џошуа го контактирал Владимир Кличко и и понудил поддршка на Украина во војната со Русија.
Пред нешто повеќе од една година, Владимир Путин нареди инвазија што го започна тековниот конфликт што беснее до ден-денес.
Во тоа време Џошуа не беше одамна симнат од тронот од Усик. Британецот ја активираше клаузулата за реванш со Усик, но борбата беше доведена во прашање бидејќи новиот шампион се пријави во војска за да го брани Киев.
На крајот се одржа реваншот и Усик победи со едногласна одлука. Џошуа предизвика контроверзии со своите забелешки по реваншот, но на крајот застана покрај Усик додека украинското знаме беше подигнато во рингот.
Сега Усик изјави за Паримеч: „Ентони Џошуа му се јави на Владимир Кличко и го праша како може да биде корисен за Украина и да помогне. За тоа имам двојна почит кон него“.
Ќе потсетиме дека Џошуа и Кличко остануваат големи пријатели и по нивната борба во 2017 година, Еј Џеј го нокаутираше легендарниот шампион во неговата последна борба пред шест години и оттогаш двајцата се во редовен контакт.
На почетокот на 2020 година, Кличко изјави за The National: „Џошуа е извонреден спортист, голем борец, олимписки шампион. Што е најважно, тој е одлично момче кое одлично го носи факелот на имиџот на шампион во тешка категорија. Горд сум што го нарекувам пријател, иако бевме противници“.
