Тоше Цветков: Ќе го бомбардирам Чаврк со удари и ќе го завршам брзо!

Tose Cvetkov sam

Кикбоксерот Тоше Цветков досега има две професионални борби и во двете излегол како победник, од кои едната е со нокаут во третата рунда. Ова му е прв ММА предизвик.

„Од борбата во Велес очекувам дебитанска победа. Бидејќи дебитирам во ММА, се подготвувам два месеца и се чувствувам доволно подгтотвен за да победам“, вели Цветков кој се среќава со Едо Чаврк од Хрватска во категоријата до 84 килограми. Tose Cvetkov so rade

„Противникот е  поискусен од мене, одличен борец, кој вежба во силен клуб во Хрватска. Го почитувам, но одам на тоа утре да го бомбардирам со удари и да завршам што побрзо“.

Во тврдењата на Тоше ќе се увериме утре вечер во спортската сала „Гемиџии“ во Велес, со почеток во 20 часот, кога треба да почне големиот ММА настан „Фајт најт чемпион 3“. Цветков кажа која е неговата предност во однос на Чаврк.

„Мојата предност е горе, во борба во стоење, бидјеќи сум кикбоксер. Сепак, доволно време посветив и на тренинзите на партер, со еден збор нема што да ме изненади, подготвен сум“.

Тој упатува повик до сите љубители на боречките спортови да не го пропуштат овој спектакал.

„Нека повелат сите да го проследат најјакиот настан и спектакл организиран од страна на Раде Стефановски. Уште еднас му се заблагодарувам на довербата што ми ја пружи“.

Tose cvetkov vo Zemun

Фајт најт чемпион 3 Велес

     Прелиминарни борби:

  1. Недрин Фејзовиќ (БиХ) – Филип Стефановски (МКД), -68 кг
  2. Ален Капиќ (СЛО) – Иван Милошев (МКД), -72 кг
  3. Гретел Вркиќ (ХРВ) – Марјан Марков (МКД), -70 кг

       Главни борби:

  1. Едо Чаврк (ХРВ) – Тоше Цветков (MКД) -84 кг
  2. Александар Затковски (МКД) – Анто Палавра (БиХ), -66 кг
  3. Дејан Стефановски (МКД) – Јасмин Вркшиќ (БиХ) -84 кг
  4. Александар Ракас (ХРВ) – Слаѓан Драгишиќ (СРБ) -77 кг
  5. Милош Дујчиновиќ (СРБ) – Тео Радниќ (ХРВ) -93 кг
  6. Ермин Хоџиќ (БиХ) – Иван Гарчевиќ (ЦГ) -84 кг
  7. Марјан Ангелески (МКД) – Иван Вичиќ (СРБ) + 93kg
  8. Дамир Кнего (ХРВ) – Милан Врбиќ (СРБ) 93 кг
  9. Христијан Граорски (МКД) – Петар Црмариќ (ХРВ) -66 кг
  10. Домагој Обрадовиќ (ХРВ) – Ненад Падори (СРБ) 93 кг
  11. Дејан Трајковски (МКД) – Веда Исламовиќ (БиХ) -77 кг
  12. Илија Андов (МКД) – Џевад Муфтиќ (БиХ) -66 кг
  13. Златко Петровски (МКД) – Арнес Мујезиновиќ (БиХ) -77 кг

Ipon.mk/В.Д.

ПОВРЗАНИ ВЕСТИ

ПОПУЛАРНО