Теофимо Лопез го предупреди Шакур Стивенсон: Ќе го нокаутирам во деветтата рунда

Шампионот на ВБО во полусредна категорија Теофимо Лопез покажа целосна самодоверба пред големата пресметка со Шакур Стивенсон на 31 јануари во Њујорк. Во својот препознатлив стил Лопез му упати предупредување на противникот и вети дека ќе ја заврши борбата во деветтата рунда.

„Дали сте подготвени за она што доаѓа во Њујорк? Град од тули во бетонска џунгла, ајде да се подготвиме за борба! Јас сум тука за долги патеки, а не за игри. Мојата мисија е повторно да го направам боксот одличен. Шакур ќе падне во деветтата рунда“, рече Лопез, пренсе ЕСПН.

Стивенсон, актуелниот шампион на ВБЦ во лесна категорија и освојувач на сребрен олимписки медал од Рио 2016, останува непоразен во професионалната кариера со резултат од 24-0. Американецот се искачува во дивизија за да се бори за четвртата светска титула во друга тежинска категорија.

Лопез, пак, има 22 победи и само еден пораз – драматичен пораз од Џорџ Камбосос во 2021 година. Тој веќе ја докажа способноста да победи елитни имиња, вклучувајќи го и легендарниот Васил Ломаченко, кого го победи со едногласна одлука во 2020 година.

Големата борба помеѓу Лопез и Стивенсон ќе се одржи на 31 јануари во Њујорк и се оформува како еден од најочекуваните настани на почетокот на 2026 година.