Карлос Такам е на мислење дека Џо Џојс е добар противник, но не е еден од најсилните и најдобрите противници во рингот.
„Џо Џојс е силен човек, но нема искуство како моето и никогаш не се борел со некој како мене. Тој (Џојс) не е најдобриот боксер со кого сум се борел, но јас ќе бидам најдобриот боксер што некогаш се борел Џо Џојс. Тој е добар противник за да се вратам во Велика Британија. Лондон е како мој втор дом. Фановите ме чекаат таму, секој ден ми пишуваат: „Карлос, кога ќе се вратиш во Лондон? Кога повторно ќе се борите во Лондон“, изјави Такам.
Потсетуваме, Карлос Такам и Џо Џојс ќе се сретнат на 24 јули на Вембли во Лондон, Англија, бидејќи домаќинот ќе го брани сребрениот појас на ВБЦ во тешка категорија.
„Имам време да се подготвам за оваа битка и ќе одам да ја добијам. Ова е добра можност за мене да се вратам дома и да се вратам на врвот во тешка категорија. Јас сум исклучително возбуден, крајно среќен што се вратив во Лондон“, заклучи Такам.
Карлос Такам има вкупно скор од 39 победи (28 со нокаут), 1 нерешена броба и 5 порази (3 со нокаут) во професионалната боксерска кариера. Камерунецот, кој се натпреварува под знамето на Франција, е во серија од 4 последователни победи (над Сенад Гаши, Крег Луис, Фабио Малдонадо и Џери Форес).
Џо Џојс нема пораз во професионалниот боксерски ринг. 35-годишниот англиски боксер има биланс од 12 победи од 12 натпревари (11 со нокаут). Во неговиот последен судир Џојс му го нанесе првиот пораз на младиот талент Даниел Дубоа нокаутирајќи го во 10-та рунда во меч за европската титула тешка категорија, онаа на Велика Британија, како и интерконтиненталниот појас на ВБО.
