Тајсон Фјури знае кој би победил во евентуален меч меѓу Усик и Итаума: Не може да се зафркава со него

Младата британска ѕвезда Мозес Итаума со нокаут во првата рунда на настанот во Ријад го победи Дилиен Вајт, обезбедувајќи ја 13-тата професионална победа. Тој го помина најголемиот тест во кариерата со одлични резултати.

Боксерските експерти и фановите ширум светот дебатираат дали 20-годишниот борец е подготвен за најтешкиот предизвик во тешката категорија – меч против Александар Усик.

Непоразениот Украинец моментално ги држи сите четири појаси во кралската дивизија, откако двапати ги победи Ентони Џошуа, Тајсон Фјури и Даниел Дубоа.

Денот откако Итаума го победи Вајт, поранешниот шампион на ВБЦ, Тајсон Фјури, се огласи на социјалните мрежи за да коментира за потенцијалната борба меѓу Усик и младиот Британец.

„Постојано ме прашуваат за младиот Мозес Итаума, како би се снашол против Александар Усик, но и против други врвни борци. И знам нешто за боксот, бидејќи бев во рингот и освоив светска титула. Значи, боксот е за млади луѓе, како што му кажав на Владимир Кличко кога имаше 37 години. Боксот е спорт за млад човек, а не за некој што е престигнат од времето“, рече Тајсон Фјури и додаде:

„Моето мислење е дека Мозес Итаума ќе ги уништи сите тие старци од дивизијата – Усик, Еј-Џеј, Милер… Ќе ги победи сите постари борец, а и Жанг и Луис Ортиз. Ниеден од овие постари борци не може ништо да му направи. Но, би го победил оној што ми го зеде појасот – Усик. Старец против млад човек. Мозес би го уништил. Старец не може така да се задева со борец“.

Турки Алалших исто така би го поддржал тој меч, но Итаума призна по борбата дека во моментов можноста за дуел со Усик е позаслужена за привремените шампиони Џозеф Паркер и Агит Кабајел.

Фото: Leigh Dawney (Queensberry)