Шампионот во тешка категорија на ВБЦ, Тајсон Фјури, изјави дека победата на Ентони Џошуа над Александар Усик воопшто не е сигурна.
„Кралот на Ромите“ требаше да се бори со Џошуа за апсолутен светски првак во тешка категорија, но мечот пропадна поради интервенцијата на Дионтеј Вајлдер.
Па наместо Џошуа – Фјури, љубителите на боксот ќе мора да се задоволат со трилогијата меѓу Вајлдер и Фјури и Џошуа – Усик.
31-годишниот Британец со нигериски корени ќе ја брани титулата на ВБО во септември. Усик е предизвикувач што треба да се види, бидејќи пред да се искачи во тешка категорија, тој беше апсолутен шампион во 91 кг.
И, иако многумина не му даваат голема шанса на Усик поради значителната разлика во големината, според Фјури, тоа не е случај:
„Џошуа е меѓу чекан и наковална“, рече Тајсон.
„Усик има обратен гард, паметен е и технички е многу добар. Тој е помал по тежина и висина, но се справи одлично против Чисора, кој е далеку посилен и поздрав од Џошуа.
„Сигурен сум во мојата победа над Вајлдер, но, за жал, не можам да го кажам истото за Џошуа. Мечрум бокс не сакаше да го спротивстави Еј Џеј против Усик, но на крајот го направи тоа затоа што немаше избор“, додаде Фјури.
