На почетокот на годината многу се зборуваше за мечот меѓу Александар Усик и Тајсон Фјури за титулата апсолутен боксерски шампион во тешка категорија.
Нивниот дуел требаше да се одржи на крајот на април, но преговорите пропаднаа. Фјури постојано излегуваше со нови услови, што го налути Украинецот, кој ги прекина преговорите.
И тогаш се појави веста дека Саудиска Арабија сака да приреди голем спектакл во декември кој ќе доведе до борба за обединување на титулата меѓу Фјури и Усик, додека Џошуа и Вајлдер ќе се соочат во конасловната борба.
Но, Усик и Фјури треба да имаат барем еден ова лето, Украинецот би требало да се бори со Даниел Дубоа, додека Џипси Кинг го поврзуваа со Енди Руиз, Жилеј Жанг, а деновиве се споменува и Австралиецот Демси МекКин, кој треба да се бори со Филип Хрговиќ.
Фјури е подготвен да се бори со секој борец, но никој никогаш нема да го добие неговиот повик – Џозеф Паркер.
Имено, Новозеланѓанецот е почесен граѓанин на Моркамб и тренира со Фјури откако пред неколку години се спријателиле во Лас Вегас.
Џозеф Паркер ја продолжи кариерата по минатогодишниот пораз од Џо Џојс, а во средата со нокаут во првата рунда го совлада Фаиг Опела.
„Дефинитивно не би се борел против Џозеф. Многу сме блиски. Подобро да му го дадам појасот отколку да се борам со него. Има толку многу тешкаши таму“, рече Тајсон Фјури и додаде „не сака да добие ќотек од Паркер“.
