Тајсон Фјури и Дионтеј Вајлдер повторно ќе ги вкрстат ракавиците во реванш меч за титулата шампион во светот во тешка категорија во ВБЦ верзија.
Настанот ќе се случи на 22 февруари во Лас Вегас, а синоќа беше одржана прес-конференција за медиумите на која Британецот најави нокаут во втората рунда.
Во првиот меч Вајлдер двапати го испружи Фјури на под, првиот пат во деветтата, а потоа и во дванаесеттата рунда. Британецот беше подобар до тој момент, но судиите одлучија кој е победник.
„Те чекам во центарот на рингот. Нема да мораш да ме бараш на 22 февруари, само пази се од десната рака бидејќи ќе одиш на спиење во втората рудна. Две рунди и отпаѓаш. Секогаш ми се повторува тој сон за две рунди. Кога играм покер секогаш добивам двојка. Тоа е дефинитивно знак. Тој паѓа во втората рунда. Сто проценти“, изјави Фјури.
