Таеквондо клубовите Хва ранг ИТФ од Лескоец, Хваранг фист и Мастер од Охрид викендов на Меѓународниот теквондо ИТФ тунрир „Лозница 2015“ – Лозница, Србија, освоија грст медали.
Елена Јанеска се закити со злато во категорија девојчина до 10 години – 40 кг, елиминираjќи ги претставничките на Словенија и Србија.
Во истата конкуренција -30 кг, браќата Марио и Давид Крстески го поделија 3 место, кои во елиминации ги совладаа претставниците на Словенија и Босна, но за жал полуфиналните борби ги загубија со одлука на судиите, кои по малку му кумуваа на конечниот исход. И покрај тоа, тренерот Марјанчо Лазаревски вели дека е презадоволен од нивниот прв настап.
Филип Јосифоски, кој е моментално и најдобар борец од Македонија, освои 4 медали, 2 златни и 2 бронзени, што го прави моментално најтрофеен македонски борец. Во форми за црн појас I дан јуниори, го освои 3 место, во форми црн појас I дан сениори, исто така беше трет, но затоа во спаринг борби – 64 јуниори се позлати, каде што во финалето се сретна со Александар Јованоски, кој е исто така е натпреварувач од Македонија. Тренерите ова го сметаа за најголем успех на овај турнир, зашто се гледало македонско финале. Исто така освои злато и во спаринг борби јуниори -63 кг, каде што Филип за противник го имаше Адам Херцог, хрватски репрезентативец, кој загуби од нашиот натпреварувач и во финалето на турнирот во Кула , кое било изденачено, во Лозница Филип доминирал, при што борбата ја завршил атрактивно.
Александар Јованоски освоил 3 медали, 2 сребрени и 1 бронзен, Во дисциплината форми јуниори до син појас го освоил 3 место како и во сениорска конкуренција, а во спаринг борби -64 сениори е втор, губејќи го финалето од Филип, додека во јуниори -63 кг, испаѓа во елиминации од претсавникот од Босна. Според зборовите на тренерот, тоа било последица на настинката на Алекснадар, кој последната недела ја поминал без тренинг.
Други освојувачи на медали се:
Давид Велковски – 2 место борби спаринг -50 кг деца 12-13 год.
Антонио Јанески – 3 место борби -45 кг деца 12-13 год
Јане Димов – 3 место борби +60 кг деца 12-13 год
Михаил Иваноски – 3 место борби -45 кг деца до 10 год
Дејан Латинокси – 3 место борби +60 кг деца 12-13 год
Христијан Митрески – 3 место форми зелен појас деца 12-13 год
Ipon.mk/В.Д.
