Светската ММА асоцијација го суспендира судијата кој ја поништи жалбата на Фабио Малдонадо од исходот на борбата против Федор Емилијаненко. Причината е конфликтот на интереси.
Таквата одлука е всушност единсттвеното здраво и мудро решение, бидејќи за жалбата бил задолжен Радмир Габдулин, судијата кој е пријател и долгогодишен тренинг партнер на Федор. Тој категорично ја отфрли жалбата на бразилскиот борец, но се чини дека оваа ситуација не е завршена.
WMMMAA (светската ММА организација) одлучи жалба да ја додели на друго лице, а таа задача му ја доверија на Александар Енгелхарт, кој е задолжен повторно да ја разгледа целата ситуација и да донесе одлука.
Менаџерот на Малдонадо изјави дека сега се големи шансите исходот на битката да биде поништен и е задоволен што не треба да поднесат нова жалба, туку комисија реагираше сама. Во секој случај, ќе биде интересно да се види што ќе се случи и со каккво образложение.
