Најдобриот хрватски кик-боксер Антонио Плазибат годинава имаше само еден настап.
Во средината на јуни, на настанот Глори: Колишн 5 во Ротердам, загуби со нокаут во петтата рунда од клупскиот колега Тарик Осаро.
Тој уште од втората рунда се бореше со скршеница на раката, што ја намали шансата за победа во мечот за титулата привремен шампион во тешка категорија на Глори.
Осаро на почетокот на ноември доби шанса да се бори за титулата и загуби со едногласна одлука од долгогодишниот шампион Рико Верховен.
А на мечот меѓу Плазибат и Осаро се случи несекојдневна ситуација на крајот од втората рунда.
Имено, Плазибат го притисна противникот и бараше можност за нокаут, но ѕвоното означи крај на рундата. Додека и двајцата продолжија да разменуваат удари судијата Едвард Стријкерт влезе меѓу нив за да ги раздвои.
Во тој момент Плазибат замавна и го удри судијата, што заврши со нокдаун. Иако Стријкерт веднаш стана, организаторите проценија дека е подобро да ангажираат друг судија за да ја продолжи борбата.
The ref went down during the #COLLISION5 main event 😳 pic.twitter.com/04Bo5Iur3O
— GLORY Kickboxing (@GLORY_WS) June 17, 2023
Деновиве Антонио доби шанса да му се извини на судијата Едвард Стријкерт во емисија на РТЛ на холандската телевизија.
Судијата раскажа како го доживеал тој момент:
„Беше тешко, но тоа е моја работа. Одеднаш се најдов на подот и помислив дека е подобро да отидам во спасувачи“.
Тогаш Антонио Плазибат влезе во студиото носејќи чинија со „кромпое“, десерт составен од кроасан исполнет со швајцарски крем и розов чоколаден прелив.
Антонио му се извини на судијата, а потоа Стријкерт доби шанса да му се реваншира. Ја навлече ракавицата на Глори на тупаница и го удри Плазибат во телото. Се заврши со шега…
View this post on Instagram
