На крајот на 2020 година, Хабиб Нурмагомедов за последен пат влезе во кафезот на УФЦ, а откако ја одбрани титулата против Џастин Гејџи, засекогаш го напушти кафезот со ветување дека никогаш нема да се врати. Многупати му нуделе големи пари, но Хабиб ги одбил. Потоа се посвети на тренерската работа, но набрзо го напушти и тоа.
Иако и како тренер беше непоразен, реши да го стави семејството на прво место и да се повлече и од тоа. Сепак, вчера изјави дека се уште тренира дома со разни борци и дека сака да им помогне како тренинг партнер до 40 години:
„Не е дека целосно се повлеков од тренерската работа. Понекогаш одам во сала за да го споделам моето искуство со моите браќа кои се борат. Не е дека се повлеков од тренинзите на борци, едноставно нема повеќе да бидам во нивниот агол. Недела борба, сето тоа… завршив со тоа. Но, сепак сакам да го споделам моето знаење и искуство“, изјави Хабиб за ММА џанки.
„Тоа е една од најважните работи во мојот живот сега, бидејќи пред да наполнам 40 години, имам уште многу да споделам со нив. Борба, борење, некои ментални работи… Сè уште ги тренирам моите браќа“, додаде тој.
Иако навивачите сигурно би сакале да го видат околу кафезот, Хабиб остана во спортот барем како тренер. Дома во Дагестан, ужива да тренира со други борци, иако ретко излегува во јавност со тоа. Решил семејството да го стави на прво место и повеќе да не патува секој викенд, што е апсолутно разбирливо.
