Американската аматерска боксерска асоцијација нема да ги вклучи професионалците во тимот за Олимписките игри во Рио.
Меѓународната боксерска асоцијација (АИБА) овозможи учество на сите боксери на најголемиот спортски настан, но САД немаат намера да даваат шанса на суперѕвездите како Флојд Мејведер и Дионтеј Вајлдер да се појават на олимпискиот ринг.
„Ги цениме напорите на АИБА да го развива боксот на секаков начин. Но, ние нема како во последен момент да ги промениме регулативите на квалификациите, кои минуваат нашите аматери во последните две години. Веруваме дека и многу други земји се во иста ситуација и би донеле слично решение во интерес на чесноста во спортот“, се вели во официјалното соопштение на Американците.
