Ружди Русетмовски е прогласен за најдобар боксер на „Битолски победник“

Ружди Русетмовски е прогласен за најдобар боксер на 15. Меѓународен боксерски турнир „Битолски победник“, воедно и 3.коло од Опен Балкан купот, кој вчера се одржа во Битола.

За најдобар течничар е прогласен Виктор Мајсторовиќ од БК Димке, а за најборбен пар се прогласени Бојан Мачковски од Пелистерски јунак и Бугарин Василие од Бјело Поле.

Посебни признанија добија Општина Битола, Јован Петровски – Оцо и Цане Георгиевски.

Најмногу внимание секако привлекоа борбите на битолските шампиони Адријан Рустемовски и Ружди Рустемовски кој заслужено беше прогласен за најдобар боскер на турнирот.

Адријан го победи Александар Цакиќ од БК Војводина од Србија во категоријата до 60 килограми, а Ружди го победи Џенис Ваниќ од Олимпикус во категорија до 67 килограми.

На Битолски победник победија и Бојан Мачковски, Андреј Јаневски и Алишан Рустемовски.

За прв пат, на воодушевување на публиката во салата во паузите меѓу натпреварите и за паузите на борбите слушаше и бенд во живо, а тоа вечерва во Битола беше групата „Гром“, а имаше и ди-џеи.

Боксерскиот турнир „Битолски победник“ кој беше возобновен минатата година веќе петнаесет години е спортски заштитен знак на Битола, потврдувајќи го статусот на градот како центар на македонскиот бокс, а како и очекуваа организаторите во возбудлива атмосфера, се одржаа фер борби со силна поддршка од битолската публика, особено за настапите на врвните битолски боксери.

Битолски победник – Опен Балкан куп:

Кадети
40 кг Алишан Рустемовски (Пелистерски јунак) – Езел Шабан (Пинк пантер) 3-0
44 кг Страхиња Миљковиќ (Топличанин) – Марко Чурлиновски (Пинк пантер) 0-3
50 кг Вук Белетиќ (Топличанин) – Кристијан Штрков ((Пинк пантер) 3-0
60 кг Ненад Наков (Пинк пантер) – Лука Макасимовиќ (Константин) 0-3 предадена
63 кг Зулфиќар Бајрам (Пинк пантер) – Милош Тијаниќ (Константин) 0-3 ТКО Р2

Јуниори
50 кг Марио Петровски (Гоша) – Петар Трајчески (Алексо Огеновски) 2-1
52 кг Јован Димитриевиќ (Арена) – Андреј Мајкиќ (Алексо Огненовски) 3-0
57 кг Ибо Салиоски (Прилеп) – Никола Младенопвиќ (Српска част) 3-0
63 кг Василие Раониќ (Проф Па) – Матеј Смилески (Ронин) 0-3 ТКО Р1

66 кг Тари Храповиќ (Бјело Полје) – Андреј Јаневски (Пелистерски јунак) 0-3 без борба
75 кг Ѓорѓе Младеновиќ (Проф Па) – Лео Панов (Универзалци) 3-0
+84 кг Василие Бугарин (Бјело Полје) – Бојан Мачковски (Пелистерски јунак) 1-2

Младинци
60 кг Стефав Новаков (Проф Па) – Александар Панов (Пинк пантер) 3-0
60 кг Елдин Мусиќ (Олимпикус) – Синиша Талевски (Пелистерски јунак) 0-3
63,5 кг УрошПантин (Проф Па) – Биљал Хаџикамбер (Универзалци) 3-0
63,5 кг Влатко Димоски (Прилеп) – Андреј Смилевски (Ронин) 0-3
71 кг Вукашин Митиќ (Арена) – Марко Андраши (Универзалци) 3-0 ТКО Р2

Сениори
60 кг Адријан Рустемовски (Пелистерски јунак) – Александар Цакиќ (Војводина) 3-0 предадена
63,5 кг Алксандар Бјелин (Проф Па) – Методија Шостер (Универзалци) 0-3
67 кг Ружди Рустемовски (Пелистерски јунак) – Џенис Ваниќ (Олимпикус) 3-0

Фото: Пелистерски јунак