Нејзиното присуство во УФЦ го промени светот на ММА.
Ронда Раузи е една од најгледаните борци на планетата, но на крајот од кариерата доживеа два брутални порази, по кои луѓето не можеа да ја сметаат за најдобра. Сепак, таа има поинакво мислење. За Ронда Раузи веќе не се пишува многу поради нејзината неактивност, но луѓето ја спомнуваат одвреме-навреме.
По нокаутот од Аманда Нунеш таа ја заврши кариерата на само триесет години. Ронда се повлече од ММА со скор 12-2 во ММА и во серија од 2 порази. Пред тие порази ги газеше противничките и ја бранеше титулата на УФЦ 6 пати. Таа заврши 11 од нејзините 12 борби во првата рунда. Ова ја тера Раузи да мисли дека е најдобрата досега:
„Знам дека сум најдобриот борец од сите нив. Само будала не може да признае. Да не беа тие два порази, денес никој немаше да се сомнева во тоа. По моите мечеви со Холи Холм и Аманда Нунеш, брзо станав од најдобрата до најсреќната од сите. Луѓето почнаа да зборуваат за мојата кариера дека сето тоа е само несреќен случај, не знаејќи што им претходеше на поразите.
Буквално се борев со Холи со потрес на мозокот од паѓање по скали. Поради ова, речиси го пропуштив мерењето, кое ви остава помалку течност во мозокот, за да го заштитите. Не бев при себе цела борба. Не можев целосно да се ориентирам во просторот, да го измерам растојанието и правилно да реагирам на ситуацијата.
Само по тој пораз неколку луѓе ми кажаа колку сум просечена, но знам, секогаш знаев дека сум најдобриот борец од сите нив. Само што дојдов до точка кога моето тело и мозок претрпеа толку многу невролошки оштетувања што повеќе не можев да спортувам. Сепак, чувствував дека им должам на навивачите кои секогаш веруваа во мене уште една борба.
Тоа беше борбата со Аманда. Но, во оваа борба сфатив дека е грешка што влегов во неа, бидејќи еден допир од противникот беше доволен и целото тело полуде. Да не зборуваме дека веќе ги немаше ниту реакциите, брзината, ништо суштинско од моја страна“, изјави Раузи.
View this post on Instagram
