Рој Џонс зема активно учество во случајот со Бритни Гринер. Ѕвездата на Здружението на кошаркари беше уапсена во Москва во февруари поради обид за шверц на дрога. Оттогаш таа е во руски затвор и покрај обидите на американската влада да ја ослободи.
На 17 февруари Бритни Гринер слета на аеродромот во Москва. Полициско куче и го надушкало багажот, а при претресот било откриено дека во куферот имала масло од хашиш.
Рој Џонс е еден од многуте познати личности кои ги здружија силите за да ja вратат Гринер во САД. Тој смета дека неговото двојно државјанство кое го има од 2015 г. може да игра голема улога во ситуацијата.
„Знам од моите пријатели дека е можно руската влада да е отворена за таква опција, за размена на затвореници. Некој е уапсен на наша територија за размена со Бритни“, објасни Џонс. „Би се обложил со мојот живот да ја ослободам. Би отишол во руски затвор за да бидe oслободенa“!
Гринер може да биде осудена на 10 години затвор за нејзиниот престап. Многумина веруваат дека таа е жртва на политичко апсење како одговор на меѓународните санкции наметнати на Руската Федерација како резултат на војната во Украина.
At the Baylor men's final home game of the season this past Saturday, I took a photo of a sign a student was holding that was honestly a bit odd to see. That photo has been published by 900+ news feeds today alone. Crazy.
Praying for a safe return home @brittneygriner – SOON. pic.twitter.com/TjczmOwOBa
— CJ (@chrisjonesfoto) March 8, 2022
Неодамна беше откриено дека имало разговори меѓу владите на двете земји за размена на Гринер против враќањето на Виктор Бут во Русија.
Виктор Бут е еден од најголемите дистрибутери на нелегално оружје од распадот на Советскиот Сојуз. Тој вооружи голем број немири и револуции ширум светот. Неговото дело го носи прекарот „Трговец на смртта“. Моментално издржува казна од 25 години во државен затвор.
„Многу луѓе ги политизираат постапките на другите“, додаде Џонс. „Многумина ме критикуваат за моите постапки во минатото. Зедов двојно државјанство затоа што ги сакам спортот и боксот во Русија. Затоа е добро да имате пријателства за време на спортските активности. Тие се над политиката.
„Се надевам дека нашата влада ќе ме поддржи и ќе ја врати Гринер дома“!
Гринер требаше да се појави на суд во средината на мај, но судењето беше откажано, а нов датум се уште не е објавен.
#ViktorBout's lawyers to appeal #armstrade conviction in US Supreme Court https://t.co/s4Ha0GNmN4… https://t.co/EObSTZL8Nm pic.twitter.com/PFB215ohRW
— Raj (@RkIndolia) February 21, 2017
