Менаџерот на Алексанадар Поветкин, Андреј Рјабински, изјави дека боксерот конечно може да излезе чист од допинг скандалот во кој се вмеша во месец мај.
„Работите постепено почнуваат да пртежнуваат во наша полза. Денес од ВАДА/WADA ни испратија порака дека спортисти кои имале мелдониум помалку од 1 микрограм пред 1 октомври, нема да бидат дисквалификувани. На овој начин ВАДА признава дека Поветкин e чист. Тоа нема како да биде оспорено и тој треба веднаш да биде ослободен. Сега сме во очекување на позитивен одговор и од ВБЦ“.
ВБЦ своето официјално решение ќе го донесе на седница на 12 јули.
