Рамзан Кадиров му подари „мајбах“ на Хамзат Чимаев
Чеченскиот лидер Рамзан Кадиров се сретна со победникот на УФЦ 319 во Чикаго, ММА борецот од чеченско потекло кој ги претставува ОАЕ, Хамзат Чимаев. Двајцата блиски пријатели се сретнаа на аеродромот во Грозни, каде што чеченскиот претседател му подари автомобил „мајбах“.
„Бев 100 проценти сигурен во победата на Хамзат Чимаев. Дури и не се сомневав во тоа“, изјави Кадиров за новинарите.
Во неделата, како дел од турнирот УФЦ 319 во Чикаго, Чимаев победи со едногласна одлука против Јужноафриканецот Дрикус ду Плесис во борба за појасот во средна категорија. Чимаев, кој нема порази, има 15 победи во професионалната MMA. Ду Плесис има 23 победи и 3 порази. Кога беше прашан за неговата иднина, Чимаев рече:
„Идни планови? Што и да каже нашиот шеф (Рамзан Кадиров), така ќе биде. Не верував во себе. И кога се срушив, ме врати и рече дека ако тренирам, ќе станеш шампион. И како што рече, се вративме во спортот. Ме врати во овој спорт и станав шампион. Му благодарам за тоа. Тој ме поддржува не само мене, туку и целиот наш регион. И никаде во светот нема таква поддршка како што ја имаме ние“, рече Чимаев.
View this post on Instagram
