Овој викенд легендата Федор Емелијаненко конечно ќе ги обеси ракавиците засекогаш.
„Последниот император“ има шанса да се пензионира како шампион во тешка категорија на Белатор. Тој ќе се бори со шампионот Рајан Бадер на главниот меч на Белатор 290 во Калифорнија. На Емелијаненко ќе му биде тешко да си замине како шампион.
Федор го избра најопасниот противник од сите можни. Рајан е шампион во тешка категорија откако го нокаутира Емелијаненко во 2019 година во финалето на тешкашкиот турнир. Тој се уште е непоразен во тешка категорија, а 35 секунди КО над Федор му дава доверба.
Бадер сфаќа дека навивачите стојат зад Емелијаненко, но тој има работа и нема да го поштеди легендарниот борец.
„Федор е спортска легенда. Го почитувам, тој е добар човек. Ако го гледам Федор како се бори, навивам за него. Ми се допаѓа да го правам тоа. Сакам кога легенди како него се пензионираат на врвот. Знам дека луѓето ќе го поддржат.
Но, од друга страна, имам работа. Морам да излезам таму и да ја срушам оваа забава. Морам да го направам она што дојдов овде – да го задржам овој појас, да ја добијам оваа борба и да продолжам понатаму. Му посакувам се најдобро.
Тој ќе биде почитуван без разлика на се. Отпрвин не сакав да се борам со него и си помислив: „Што ќе извлечам од оваа борба?“ Но колку повеќе зборувавме за тоа, толку повеќе сфаќав колку е голема оваа борба.
Ќе го емитуваат на национална телевизија и, пак, е Федор! Да се сретне двапати со него во октагонот е посебно чувство. И пред првата борба не верував дека се борам со него.
Имам и шанса да станам единствениот човек на планетата кој двапати го победил Федор Емелијаненко“, изјави Бадер за американските медиуми.
View this post on Instagram
