Легендата Бадр Хари нема да се откаже од спортот. 36-годишниот ветеран не престанува да губи во рингот, но тоа не му ја убива желбата за борба. Минатиот месец, Лошото момче (Бед бој) загуби со нокаут од Аркадиуш Вжосек, откако трипати го собори на земја и не успеа да го победи.
Тоа беше уште една битка што ја водеше Хари, но црната серија продолжи и тој загуби. Бадр нема победа над 6 години и е во серија од 4 последователни порази. Многу луѓе сакаат тој да престане, но има и такви што го поддржуваат да продолжи.
Саид Бадави, кој е негов тренер, вели дека пензионирањето не е опција.
„Тренираме како и обично, таквиот пораз не е лесен, но ќе се вратиме. Откажувањето не е опција, ќе се вратиме. Бадр секогаш се враќа. Да стануваш кога ќе паднеш и да се бориш напорно кога е тешко.
Да се вратиш кога никој не го очекува и да стоиш високо кога ќе те повлечат надолу. Ова се работите што ве прават шампион“, рече Саид за неговиот борец.
