Поранешниот светски шампион во бокс во тешка категорија Александар Поветкин ја коментираше победата на рускиот непоразен боксер, актуелен шампион во полутешка категорија на ВБО, ВБЦ и ИБФ, Артур Бетербиев над Британецот Ентони Јард.
„Бетербиев – браво! Може ли да кажам повеќе? Да, нешто не му успеа, бидејќи и Јард е добар боксер. Но, мислам дека Бетербиев ја исполни својата мисија. Дојде и удри, направи што требаше. Прекинот на борбата не беше изненадувачки.
Да не интервенираа секундантите, Артур ќе го завршеше противникот. Тешко е да се спореди Јард со неговата борба против Ковалев. Ковалев тогаш беше во одлична форма, така што не е мое да судам за напредокот на Британецот“, изјави Поветкин пренесува MMA.Metaratings.ru.
