Веста која експлодира вчера во светските медиуми, во врска со враќањето на Федор Емилијаненко во арената, денес беше официјално потврдена. И од страна на неговиот менаџер и пријател Вадим Финкелчтајн, а исто така и претседател на М-1 светска промоција.
Во интервју за BloodyElbow, Вадим го потврди враќањето на „The Last Impratora“, но, исто така, откри некои интересни детали од кои би можеле да дознаете каде може да се бори најдобриот ММА борец на сите времиња.
„Бев изненаден кога ми беше кажано дека Федор ќе се врати. Го наговарав една или две години на овој потег. Едноставно, не успеав. Еднаш дури и ме замоли да не го прашам за тоа. Пред околу една недела наеднаш ми кажа дека планира да се врати. Не можев да поверувам што слушам. Конечната одлука беше донесена пред неколку дена“, изјави претседателот на М-1 Глобал.
Вистинското прашање што се поставува е каде ќе се врати Федор. Финкелчтајн очигледно не сакаше да одговори, но може да се заклучи дека е малку веројатно тоа да биде М-1. Или можеби сака неговата промоција да биде почетен залет. Целта се Соединетите Американски Држави.
„Се разбира дека би сакал да Федор да се бори против нас, ако е можно. Би било одлично првата борба да се одработи во Русија, но повторно … Јас би сакал да го видам или во САД или во Јапонија“, објаснува директорот.„За сега немам точни информации. Она што ми го рече е дека мора да биде добро подготвен. Мора да биде опасен, како што беше некогаш. Ментално е подготвен за повторно да се бори и односот кон враќањето му е одличен. Верувам дека може уште еднаш да ја покаже најдобрата верзија од себе“.
Времето и местото, како и противникот за повратниот меч, не се наведени …
„Тешко е сега да се зборува за тоа. Се разбира, би сакал првиот меч да го направи во Русија. Но, се зависи од него. Повторувам, за руските навивачи би било одлично да се врати дома. Ние ќе бидеме среќни“.
И Финкелчтајн не ја отфрли можноста за организирање настан во Москва, кој повторно ќе го доведе „Последниот император“.
„Би сакал да направам тоа. Би било како на Олимписки стадион, кога направивме шоу пред 22.000 луѓе, пред да се пензионира. Тоа беше одлично за љубителите на ММА. И потоа да оди и да се бори во САД. Ова не е план, ова се моите желби. Јас ќе работим на неа за да ја постигнам“, објаснува тој.
Што се однесува до противниците, Федор цели на некого од светскиот ТОП 10. Единствениот проблем е што сите тие борци сега се во УФЦ.
„Мислам дека било кој тешкаш од М-1 промоцијата ќе го прифати мечот. Всушност, би можел да се бори против било кого од Топ 10 борците во светот“, заклучува Финкелчтајн.
.
