Двајца од најдобрите тешкаши на денешницата, Aлександaр Усик и Тајсон Фјури минатата недела ни приредија одлична борба во Саудиска Арабија. И покрај тоа што мечот беше многу тесен, Усик успеа да го совлада многу поголемиот Фјури и да ја преземе титулата апсолутен шампион во тешка категорија, а реваншот е речиси официјален.
Многу актери од боксерската јавност гледаат голем проблем во настапот на Фјури. Не се работи за некаков технички пропуст или нешто слично, туку во неговиот агол. Поточно, многумина веруваат дека неговиот татко Џон многу ја нарушил неговата концентрација минатата сабота, а истото го прави и поранешниот шампион Карл Фроч:
„Неговиот тренер, Шугар Хил, знае сè за боксерскиот спорт. На тој меч се обидуваше да му даде инструкции и совети, но како може Тајсон Фјури да се фокусира на советите на тренерот кога го има Џон Фјури до него како му вика на уво и зборува глупости зад јажињата. Невозможно е. Не можете да слушате повеќе луѓе во исто време. Тоа може да биде голема разлика меѓу победа и пораз со многу тесна одлука. Неговото сметање на тренерот го чинеше Тајсон мечот“, изјави Фроч во интервју за Лорд Пинг.
Покрај тоа што го одвлече вниманието на тренерот на самиот натпревар, Џон Фјури го наруши фокусот на неговиот син во текот на неделната борба. Во еден момент предизвика тепачка со член на тимот на Усик кога го удри со глава, што со денови беше на насловните страници.
Тајсон треба да размисли што му прави татко му на и околу натпреварите, а ваквите работи секако не му помагаат да биде подобар боксер.
