Телевизискиот гигант ЕСПН, кој секоја година доделува награди од областа на спортот, објави листа на номинирани за титулата најдобар ММА борец на годината. Во потесниот избор се четворица борци на УФЦ. Еве кои се тие:
– актуелниот шампион на УФЦ во тешка категорија (до 120 кг), Американецот Џон Џонс.
– актуелниот шампион на УФЦ во полусредна категорија (до 77 кг), Британецот Леон Едвардс.
– актуелниот шампион на УФЦ во лесна категорија (до 70 кг), Русинот Ислам Махачев.
– поранешната шампионка на УФЦ во две категории, Бразилката Аманда Нунеш.
Махачев го освои појасот во октомври 2022 година на УФЦ 280, победувајќи го Чарлс Оливеира со принуда во втората рунда. Во февруари оваа година Русинот дебитираше во одбраната на титулата, победувајќи го шампионот во перо категорија (до 65 кг) Александар Волкановски.
Леон, пак, ја одбрани титулата со победата над Камару Усман во март. Џонс го имаше своето деби во тешка категорија во март и ја освои титулата со победата над Сирил Гане. Пред неколку дена Нунеш со одлука ја победи Ирене Алдана, а потоа се повлече од ММА.
