Сениорската репрезентација вчера ги почна подготовките за Светското првенство во Лас Вегас, САД, во салата на Лирија, „Ментаз Алајбегу“ во Скопје. На располагање на тренерот Лулзим Вренези се ставија: Дејан Митров, Дејан Богданов, Бобан Данов, Јасин Реџелари, Бетмир Вејсели, Елмедин Сејфулаху,Ријад Реџети и Халил Османи.
На СП во почетокот на септември ќе се обезбдуваат и олимписки норми за ЛОИ во Рио 2016.
„Во Скопје дојдоа сите повикани борачи, меѓу нив и тројца млади. Единствено недостасуваат натурализираните Македонци, Халил Зубаиров и Хамикоев. Ги очекуваме вечерва или утре сабајле, бидејќи треба да се јават на интервју во амбасадата на САД, за визи. Покрај нашите борачи има и спаринг борачи, тоа се браќата Егзон и Едан Шаља од Албанија, а можно е како спаринг партнер на Митров да дојде и уште еден албански борач, третопласираниот од последното СП и втор на ЕП, Призрени“,- изјави Вренези.
Според него, подотовките се одвиваат одлично, со два тренинга дневно, посочувајќи дека вториот дел од подготовките дека со сигурност ќе се изведат во во Бугарија, во полн состав со Халил Зубаиров. Тој вели дека се уште постои можноста во САД да се отпатува 10 дена порано, со што ќе се заокружи процесот на подготовки.
ipon.mk/В.Д.
