Како последици од нокаут почина јужноафриканската боксерка Финдили Мвеласе (31 година), на меч од шампионатот на Јужна Африка.
Министерството за спорт на Јужна Африка соопшти дека Мвеласе починала по двенеделна кома во болницата во Преторија, не можела да се опорави по нокаутот што го добила за време на мечот.
Смртта на Мвеласе е трета меѓу јужноафриканските спортисти во рок од само неколку дена. Претходно, поранешниот светски шампион и олимписки вицешампион на 800 метри, Мбулени Мулаудзи загина во сообраќајна несреќа, додека капитенот на фудбалската репрезентација Сензо Мејива беше убиен во неделата во куќата на својата девојка, за време на вооружен напад од страна на ограбувачи.
