Петар Арсовски ја забележа втората победа на Државното поединечно првенство на Бугарија како член на Локомотив од Софија. Со оваа победа Арсовски се пласира во полуфиналето и во раце го има бронзениот медал.
Арсовски (52 кг) експресно го откажа противникот Тенур Онур од БК Добрич.
„Тргнавме офанзивно, бидејќи ова беше медал меч и се боксува на 100 отсто, особено кога за противник имаш домашен боксер од Добрич. Уште во првата рунда поведовме убедливо, меѓутоа противникот е искусен боксер и веднаш почна да удира нечисто. Судијата дури и два пати му даде јавна опомена на противникот.
Веќе во втората рунда противникот се најде во сериозни проблеми и со прекин во 2-та рунда Петар Арсовски победи во четвртфиналето и се пласира во полуфиналето“, вели Александар Арсовски.
На Државното првенство во Добрич настапуваат 119 јуниори од 39 клуба.
