Пакијао за реваншот со Мејведер: Сега ќе бидам 100 отсто подготвен

Мани Пакијао ги кажа очекувањата за евентуалниот реванш со Флојд Мејведер, кој се очекува да се одржи во септември.

Во интервју за Бокс сцена, легендарниот Филипинец рече дека овој пат се чувствува целосно подготвен и мотивиран:

„Возбуден сум затоа што во првата борба имаше многу неизвесности. Имав одвлекување на вниманието и проблем со рамото… Сега се чувствувам силен и мотивиран. Мојот план е да бидам 100% подготвен“.

Пакијао нагласи дека верува во своите способности и покрај неговите години:

„Самоуверен сум затоа што имам внатрешен мир. Бог ме благослови со здравје и сила. Сè уште можам да се борам“.

Тој не го потценува ниту својот противник:

„Го познавам Флојд. Сите знаат дека е исклучително конкурентен и никогаш не потценува борба“.

Првата борба меѓу двајцата во 2015 година заврши со победа за Мејведер, но остави многу прашања поради физичките проблеми на Пакијао за време на борбата.

Сега, години подоцна, евентуалниот реванш меѓу двете легенди повторно предизвикува огромен интерес во светот на боксот.